Dats de maniere vander Cuekene, 1438
Lastenboek met twee hupgaende ghevelen
Wanneer de receptor foraneitatis van Sint-Donaas het huis wil huren van de in 1438 overleden Griffo van Capple, de aanmaker van de inventaris van de kapittelbibliotheek in 1417, wordt Wouter Diedolf, die in 1440 ook het restant van de katelen uit het huis (zonder de boeken) overneemt, een heel duidelijk schema aangeboden van de verbouwing die hij moet doen om, zijn leven lang à 24£ par. per jaar het huis te kunnen hurenGa naar voetnoot(1). Dit huis bevindt zich duidelijk noord van het kerkhof, dus in de ‘sleepstockstraat’ bij de ‘wapen-plaats’, en men verwacht dat hij binnen de twee jaar daar tegen aan, tot tegen de muur van het kerkhofGa naar voetnoot(2), een keuken bouwt op eigen kosten. De manier waarop dit moet gebeuren staat geheel overgeschreven in de kapittelakten 1438-54, A51; fol. IX, 15 dec. 1438.
Eerst ten huutende vanden gronde den vors(eiden) huuse toebehorende zuudwaert, zal wesen een hupgaende ghevele met den mantele staende zuudwaert, ende een ander ghevele noordwaert ter plaetsewaert.
Ende de zijdmuer zal ziin de muer ten kerchovewaert, ende es besprec dat hij zal doen besien of de vors(eide) muer ten kerchovewaert wel ghefondeert es o(m)me tlast vanden werke te dragene. Ende eist bevonden dat hij niet wel ghefondeert en es, hij zalle(m) doen fonderen wel en(de) dueghedelijke van nieus, alzo vaerre als de cuekene strecken zal. En(de) de twee vors(eide) ghevelen zal hij ooc zo doen fondeer(en) datt(er) gheen ghebrec an zij.
Ende in den noordghevel zo zal ziin eene deur(e) en(de) een veijnstre, wijt den dach iiij voeten hoghe en(de) v voeten wijt met eenre reliquie in de middele, en(de) daer zal ziin eene duere, te gaene in de zijtcamere, met eenre rechtveinstre inde duere.
Item noch eene due(re) dobble ghespondet in een houten cassin o(m)me te stellene en(de) te gaene ter heijmelichede, daer de spinde staet. Ende daer zalmen maken een zitten en(de) daer omtrent al luken, alzoot behoort.
Voort zalmen inde vors(eide) kuekene maken eene(n) mantel vanden ghevel, wijt tote der balke ende alzo lanc als twerc bewijsen zal. En(de) me(n) salze pareeren met tafleme(n)tsteene(n) en(de) men zalze maken zvee(ve)nde voortwaert huut.
Voort van te(m)merw(er)ke, men zal in deze cuekene legghen een ghebindt en(de) binden met platten posten en(de) met corbeelen tieghen den muer en(de) rebben met braccoene(n) of met boute(n) daer zij lanc ghenouch ziin; en(de) den zelve luken met scouplanken met eene(n) steegher met vijf drayende trappe(n) en(de) danne voort met steegheren boomen en(de) met trappen recht up gaende; en(de) an de steghe(re) beneden eene due(re) en(de) onder luken.
Item ten kerchovewaert moet ziin noch eene veinstre, den dach iiij voeten hoghe en(de) iiij 1/2 wijt mette(n) columpne en(de) boven noch upten zolre eene veinstre iiij voeten wijt mett(en) columpne, en(de) iiij voeten hoghe der dach.