Universiteijt binnen Loven.

Anno 1426, xxv^a aprilis, quam M^r Willem de Scholaster7 te Loven in, van Roomen, die aldaer van stadts wegen van Loven gesonden hadde geweest, om te impetrerene aenden heijlighen vaeder den Paus van Roomen Mertten, een studium ende eene univeisiteijt te Loven te hebben, tot eeuwieghen daeghe, dwelck de

selve M^r Willem, doer de voers. recommandatien ende behulp van den voers. graeve van Sint Pol, aldaer vercreghen heeft; ende hadde daeromme vuijt geweest ij^c xx daeghen, daervoere hem de stadt Loven betaelde xxj^mi^cxx plecken; ende voert besegelen vanden bullen, xxj^mxi^cxl ½ plecken. Ende dijen volgende, soo wordden te Loven die ierste lesse gedaen i november 14261.

Anno voers., xxiij augusti, wert M^r Jan vanden Eele, van Breda, ontboden om te Loven comen lesen in medicinis.

Eodem quaemen te Loven brieven vanden hertoghe van Brabant, innehoudende dat die van Loven in alle landen souden doen condighen datter eene Universiteijt te Loven was.

Anno eodem, xxxj augustij, heeft de stadt van Loven gecocht, tegens Jannen Platvoet, zeker huijs, geleghen opde Nieuwstraete, tot behoeff vande Universiteijt, om te lesen Artes2, ende dat om ende voer xl fransche croonen, te lxiiij plecken stuck.

Anno 1427, xvj aprilis, es de voers. hertoghe Jan van Brabant gestorven, ende xiij aprilis dede men de vigilien voerden selven, te Bruessele, ende des anderen daechs daernaer te Vueren, daer hij begraeven werdt; daer van Loven ter vuijtvaert waeren: Gielis de Rijcke, borgemeester; Loijck Roelants, Baudewijn van Graven, Jan vanden Borchoven, Raes van Graven, Hendrick van Wencxele, Jacop Uten Lieminghen, Jan van Nethenen, Jan de Witte ende meer andere. Ende, xxix aprilis daernaer, wordden eene vuijtvaert voerden voers. hertoghe te Loven, zeer solemnelijcken ende met grooten staete, gedaen, binnen de kercken van Sinte Peeter.

Anno 1427, xxj meij, schanck de stadt Loven den graeve van Sint Pol, heer Jans wijlen voers. broedere, doen hij te Loven, van Roome, in quam, in recompens vande recommandatien bij hem gedaen aenden Paus van Roomen, int vercrijgen vande Universiteijt, te Loven, iij silvere vergulde croesen, wegende vj marck, iij oncen, v engelschen, die costen xxxj^cxl plecken, xxj stuijvers paijements.