N^o 179.
Fr. van Schooten à Christiaan Huygens.
3 mars 1654.

La lettre se trouve à Leiden, coll. Huygens.
Chr. Huygens y répondit par le No. 181.

Clarissimo Viro, Domino Domino Christiano Hugenio Fr. à Schooten S.D.

Ergone ita parum verecundus ego, quod serias tuas occupationes ausu temerario interpellem! Rationem verò si quaeris, facti audaciam meritis tuis adscribere non verebor, quippe quae non solum me, verum etiam Lipstorpium nostrum in tui amorem ita concitarunt, ut vel ipse nunquam ex oculis nostris esse possis. Quocirca cum nuper illius literas, Vinariâ 8/18 Januarij ad me datas, acceperim, qui te suis quam

honorificentissimè salutat, intermittere non potui, quin id ad Te perscriberem, ac te simul ejus jussu de suarum rerum statu certiorem redderem. Etenim significatâ illi morte clarorum hìc virorum Salmasij1) et Boxhornij2), ut et binorum florentissimae aetatis magnaeque spei Doubletiorum3), sic ille ad me4).

Haec igitur, ut Amico morem geram, qui dum Te, Vir Clarissime, de rerum suarum statu, ut intellexisti, meis certiorem factum voluit ad Te perscribere, cum ejus salute, praetermittere non potui, Te rogans, ut, si forte amicissimo nostro Lipstorpio rescribere grave non ducas, eumque ob honorificam à se acceptam conditionem, congratulari, tuas meis includere queam, easque simul brevi ad illum amandem. Vale.

Lugduni Batavorum 3 Martij, 1654.

Monsieur, Monsieur, Christianus Hugenius, ten huijse van Mijn Heer van Zuijlechem, op t' plein

in S'graven-Hage.

Cito port.