N^o 613.
A. Dettonville [Bl. Pascal] à Christiaan Huygens.
[janvier 1659.]

La lettre1) a été imprimée dans les Lettres de A. Dettonville. Paris 16592).

Monsievr,

Comme I'ay sçeu que Monsieur de Carcauy vous deuoit enuoyer mes solutions des problémes que i'auois proposés touchant la Roulette, ie l'ay prié d'y ioindre la dimension des courbes de toutes sortes de Roulettes3), que ie luy ay donnée pour vous l'addresser, parce qu'il m'a dit que vous auez tesmoigné d'auoir quelque enuie de la voir. Ie voudrois, Monsieur, que ce vous pût estre vne marque de l'estime que i'ay tousiours faite de vostre merite. Ie croyois qu'on n'y pouuoit rien adiouster: mais vous l'auez encore augmentée par cet horloge incomparable4), & par ces merueilleuses dimensions des surfaces courbes des Conoïdes, que vous

venez de produire, & qui sont vn suiet d'admiration à tous nos Geometres. Pour moy ie vous aduoüe que i'en ay esté rauy, par la part toute particuliere que ie prends à ce qui peut aggrandir vostre reputation, & par la passion auec laquelle ie suis, &c.